EN 
رُبَّ قارضٍ للأعراض ، وعِرْضُهُ بين شِقَّي المِقْرَاض ..أحالت نيابة جنوب القاهرة المتهم للمحاكمة الجنائية لاتهامه بهتك عرض المجني عليها بالقوة بأن اختلس النظر إليها وهي عارية حال استحمامها بحمام مسكنه وارتكب الفعل المؤثم بأن التقط من جهازه المحمول صورا للمجني عليها في مكان خاص مقام مسكنه.
ما هي تفصيلات بلاغك ؟
ج / اللي حصل اني متجوزة ومعاي ولدين وجوزي مسافر في الإمارات بيشتغل وأنا عايشة هنا مع ولادي ووالدتي عايشة هنا في المطرية وهي متجوزة من واحد تاني بعد وفاة أبويا وأنا متعودة أروح ازورها علطول وبقعد عندها شوية ومن حوالي 4 أيام لقيت جوز امي باعتلي مقطعين فيديو ليا وانا بستحمى في الحمام في بيت أمي على الفيس بوك ولما واجهته قالي اه أنا اللي مصورك واللي معاكي اعمليه وبعدها قولت لأمي وأختي وحاولنا نحل المشكلة بالراحة من غير فضايح بس هو مش راضي وعمال يقولي اللي معاكي اعمليه ومش راضي يمسح المقاطع وانا معرفش هي مع مين تاني وخايفة يكون بعتها لحد ولو جوزي عرف حاجة زي كده هتكون مشكلة كبيرة وكده هو بيدمر حياتي وانا مش عارفة أعمل معاه ايه وفي الآخر أمي قالتلي خدى حقك بالطريقة اللي تشوفيها فروحت على القسم وعملت محضر.
س/ متى وأين حدث ذلك؟
ج الكلام ده حصل في بيت أمي
•
س / من كان برفقتك أنذاك؟
ج / انا كنت في بيت امي وهي كانت في الشغل وولادي نايمين وهو الوحيد اللي كان صاحي.
س / ما مناسبة تواجدك في الزمان والمكان سالفي الذكر ؟
ج ده بيت امي وانا بروح ازورها علطول واقعد عندها كام يوم.
س/ وما هي طبيعة علاقتك بالمشكو في حقه ؟
ج/ هو جوز أمي من حوالي ٢٢ سنة
س/ وهل من ثمة خلافات سابقة فيما بينك وبينه ؟
ج/ هو بقاله فترة كده مش مظبوط وبيضايقني وعمال يقولي انا عايز انام معاكي
س/ وما التصرف الذي بدر منك حيال ذلك ؟
ج/ انا بقيت اقلل زيارات لأمي علي الآخر ومرضتش أقولها عشان معملش مشكلة
س/ وما مدي علم والدتك بتفصيلات ما حدث ؟
ج/ انا قولتلها عشان الموضوع المرة دي ميتسكتش عليه وهي قالتلي ده بجح وخدي حقك زي مانتي عايزة
س/ وما هي الأفعال المادية التي ارتكبها المتهم تحديدا ؟
ج/ هو صورني بالتليفون بتاعه وأنا بستحمى في الحمام من غير ماخد بالي وبعتلي الفيديو ده على تليفوني.
