EN
أشاد السينارست تامر حبيب بمسلسل “الهرشة السابعة" بطولة أمينة خليل ومحمد شاهين.
وكتبت عبر خاصية ستوري على حسابه بتطبيق انستجرام: "انتوا ناويينها وقاصدينها من أول الأفيش... أنا شديد الإعجاب والاستمتاع وبأتفرج بجد علي الحلقة مرتين في اليوم.. وانتم أثبتتوا إن مافيش حاجة اسمها الظروف، و لا الوقت، ولا إنه أنك تعمل حالة و تحكي حدوتة و توصل مشاعر زي دي هي حاجة مستحيلة...".
وأضاف: "اثبتوا أن التأثير اللي بيحصلك من فيلم والشحنة اللي بتتشحنها ممكن تحصلك من مسلسل، وتفضل مستني الحلقة الجديدة بفارغ الصبر مع إن مافيش لا جريمة قتل ولا مطاردات ولا تشويق و لا مجرم فاكرينه موسي و يطلع فرعون... اثبتتوا ان الصمت ممكن يبقاله تأثير اكثر من الكلام، اثبتتوا انكم و من غير تقليد و لا قصدية و تخلوني استمتع قدام الحلقة نفس المتعة اللي بأحسها وانا بأتفرج علي فيلم اوروپي اجتماعي جرئ و دايس علي الجرح و بيشرح بمشرط دانتيل".
وتابع :"نيجي بقي للفخر و الفشخرة... انا شديد الفخر و طاير من السعادة تقريباً بكل الناس اللي هرشوا دماغي ومشاعري الهرشة دي.... اصل تیتر المسلسل ده مكتوب عليه كمية اسامي بجد بجد بجد هما اخواتي و اولادي و اجدع و احلي صحابي... بجد بجد بجد، كلكم عمري ما شفتكم بالحلاوة دي قبل كده و فرحان بيكم فرحة الأهبل... و أقر و اعترف اني و بكل حب و فخر غيران من
جمالكم ما شاء الله، غيران احلي غيرة بيحس بيها الفنان لما بتصيبه، اللي انتوا عاملينه ده صعب قوي و حلو قوي قوي و يشرف قوي قوي قوي.... يا بتوع الحاسة السابعة : الف مبروك علي هذا الابداع، و الف شكر علي كل هذا الاستمتاع".
تدور أحداث مسلسل الهرشة السابعة في إطار اجتماعي لايت، وظهرت أمينة خليل على البوستر الرسمي وهي تحمل طفلة، وسط تجمع عائلي، يضم محمد شاهين إلى جانب فريق العمل.
ويتحدث حول أسرة وتعاني أمينة خليل مع محمد شاهين بعد استقبال طفلين توأم، إلى جانب تسرب الملل الزوجي بينهما، في الوقت الذي تواجه فيه أسماء جلال وعلي قاسم مشكلات أخرى تخص الارتباط.
يشارك في بطولة الهرشة السابعة عدد كبير من أبطال مسلسل “خلي بالك من زيزي”، الذي حققت به أمينة خليل نجاحا كبيرا فيما سبق، أبرزهم محمد شاهين وأسماء جلال وعلي قاسم، وينضم إليهم كل من عايدة رياض، محمد محمود، وعماد رشا، وأحمد كمال، حنان سليمان.
مسلسل " الهرشة السابعة" من تأليف ورشة سرد بإشراف مريم نعوم، ومن إخراج كريم الشناوي، وإنتاج عبد الله أبو الفتوح.
قنوات عرض الهرشة السابعة
يعرض المسلسل عبر mbc مصر، في تمام الساعة الـ10 مساءً ويعاد في الساعة الثالثة عصرًا بتوقيت القاهرة، كما يعرض المسلسل عبر منصة شاهد الإلكترونية، ويتكون المسلسل من 15 حلقة ويعرض في الجزء الأول من الشهر.
