قطعلي جيبة قصيرة.. دوللي شاهين: حاولت التحرر من عقلية بابا المتخلفة

حلت الفنانة دوللي شاهين، ضيفة على قناة الشمس الفضائية، للحديث عن كواليس أعمالها الفنية وحياتها الخاصة. 

وخلال الحلقة، قالت دوللي شاهين، إن والدها كان رجل شرقي، وهي كانت تبحث عن التحرر من أفكاره، مشيرة إلى أنه كان لا يقبل لها أن تظهر بملابس جميلة مثلا. 

وتابعت دوللي شاهين قائلة: «أنا أول جيب لبستها في حياتي كان عندي 13 سنة جات لي هدية ستايل جيبت الهارد شيب (قصيرة) أول ما لبستها عشان يقهرني أو عشان يضايقني قطعها لي». 

واستكملت دوللي شاهين قائلة: «أنا بنت عمتي مثلا كانت بتلبس براحتها.. وكان بابا يقولها يا حبيبتي انت زي القمر.. انما اللي عنده في البيت ما ينفعش انه يبقوا كده.. وأنا كان هدفي إن أنا اتحرر من العقلية المتخلفة اللي أنا كنت عايشة فيها». 

وأضافت دوللي شاهين، قائلة: «أنا ما اقدرش إن أنا اكذب عليه طبعا الله يرحمه يا رب إن شاء الله تكون روحه في السما طبعا.. لكن أنا دايما بقول إن البني آدم اللي عنده مشاكل بتبقى مشاكل من الطفولة.. يعني حد زي بابا اكيد كان عنده مشاكل في بيته في طفولته في حاجة حصلت احنا ما نعرفهاش فخلته يبقى خايف قوي للدرجة دي على أهل بيته انه يقفل عليهم عشان اكيد هو مش بيكرهنا.. هو بيحبني بس هو بيخاف علي بطريقة اه زيادة عن اللزوم». 

أحدث أعمال دوللي شاهين

في مارس الماضي، طرحت المطربة دوللي شاهين احدث اغانيها والتي تحمل اسم "حبيبتي يا أمي " وذلك احتفالا بعيد الأم.

أغنيه حبيبتي يا أمي لـ دوللي شاهين، من كلمات السيد علي الحان علاء الرواى توزيع عمر اسماعيل ميكس وماستر رامي سليمان ستوديو طرب .

وتقول كلمات الأغنية:
«ربنا يخليكي ليا يا حبيبتي يا أمي يا أجمل هدية
دانت يا قلبي اقرب من نفسي ليا ربنا يخليكي ليا
عمري مانسى يا أمي أنا فضلك عليا
دعوة منك بتحللي حياتي في عينيا
دانا لو جبت الدنيا دي ليكي ما يكفيش
ربنا ما يحرمني منك عمري مانسى يا أمي إن أنا حتة منك 
دانا لو ضاقت بيا الدنيا ماليش غير حضنك ربنا ما يحرمني منك»