EN 
حل الفنان حسين فهمي، ضيفا فى حوار سابق، متحدثا عن علاقته بالفنانة الراحلة سعاد حسني وكواليس فيلم “خلي بالك من زوزو”.
معقبا: “كنت بصور فيلم فى لبنان وانا نازل بالليل الساعة 10 لقيت إعلان مكتوب عليه اسم الفيلم وافتكرت أنها سلعة.. وجالي حاجة جوايا بتقول يارب لو دا فيلم أبقي أنا فيه”.
وتابع: “فات تلاتة أو أربعة أيام كلمني منتج وقالي عايزك فى فيلم وقالي على اسم الفيلم.. ومصدقتش أنه هو.. ووافقت طبعا والفيلم عمل ضجة كبيرة فى العالم العربي كله.. حتي أتعرض فى روسيا”.
وعن سعاد حسني، قال: “عملت ذكريات كتير معاها فى الفيلم.. وأغنية يا واد يا تقيل نجحت بسبب كلمات صلاح جاهين وغنته سعاد حسني.. وهي رائعة جدا وكنت بعمل معاها خلاف فقط على حوار المواعيد.. لأني كنت ملتزم جدا وهي لا.. وبينا حب زملاء.. وساعات بغير على البطلات اللي مثلت معاهم أنهم بيمثلوا مع حد تاني”.
