EN 
كشف الفنان الشاب كريم سرور، عن تفاصيل الحالة الصحية الخاصة به عبر حسابه على موقع فيسبوك ، خلال الساعات الماضية بعد معاناته مع آلام القولون العصبي.
ونشر كريم سرور منذ ساعات تطورات حالته الصحية لمتابعيه قائلا:" إدعولى يا جماعة أرجوكم أنا حالتي بتسوء أوي"، وذلك بعد ساعات من توضيح الحالة التي يمر بها.
وقال كريم سرور، إنه يعاني منذ فترة موضحا: " أنا بعتبر ألم القولون العصبى هو أشد أنواع الألم اللى بمر بيهم فى حياتى.. حرفياً بعتبره تكفير ذنوب.. مش لشدته أو لأنه بينتشر فى الرقبة و الضهر والكتفين والضلوع و بيزيد مع كل نفس وأقل حركة، لأ مش عشان كدة بس.. عشان ملوش مسكن فعال و لحظى و عشان كمان بيستمر بالأيام".
واستطرد كريم سرور:"أقل نوبة الم قولونية عصبية بتجيلى بتقعد من ٤ ل ٥ ايام و كدة يبقى وقت قليل جداً لإنها أحياناً بتستمر حتى اسبوعين ومرة قعدت حوالى ٢٥ يوم و مع تغيير الطاقم الطبى و نوع العلاج على مدار ١٤ سنة و كل ما اقول وصلت لحل نهائى من غير ما أستسلم للعقاقير المهدئة عصبياً ( اللى اكيد اتكتبلى عشرات المرات كحل جذرى ) أتفاجئ فى النهاية بنوبة قولونية حادة دون أى أسباب .. والله يا جماعة بدون أدنى مبالغة ولا ليكم عليا حلفان أحياناً بقعد بالساعات بحاول بس أقوم ادخل الحمام من شدة الألم مع كل حركة ، دعواتكم بقى عشان الإنتحار بقى أهون من الألم الحاد المستمر ده دون معرفة علاج".
شارك الفنان كريم سرور، في العديد من المسلسلات الشهيرة مؤخرا منها الأب الروحي، فرصة تانية، شاهد عيان، كلبش، رحيم، وقمر هادي، كما أخرج العديد من الأفلام والمسرحيات المستقلة.
