تامر أمين عن فيديو مدرس الجيزة: لو داخل كاس العالم في الفلسفة مش هيعمل كده

رفض الإعلامي تامر أمين، مقطع الفيديو المنتشرة مؤخرًا عبر مواقع التواصل الاجتماعي لمدرس فلسفة في موكب وبودي جاردات واستقبال أسطوري لهذا المدرس بأحد مراكز الشباب.

وقال "تامر أمين" خلال تقديم برنامجه "آخر النهار" المذاع على فضائية "النهار" مساء اليوم الأربعاء: إن "ده عيد ميلاد أو سبوع كورونا معمول هنا، وده درس خصوصي مراجعة نهائية لمادة الفلسفة والمنطق لطلاب الثانوية العامة وهذا المدرس ومش هقول اسمه علشان ميبقاش دعاية له ده أشهر مشهور".
 

وأضاف تامر أمين، أنه "ده قال تعالوا نعمل مراجعة جاله كل طلبة الثانوية العامة شعبة الأدبي مجهزة كاميرا درون وهو اللي مصوره وهو اللي عامل برومو وهو داخل بالبودي جاردات تقولش رئيس وزراء أو رئيس جمهورية".

واستطرد "هذه المشاعد بتشوفها بس في مواكب الشخصيات العامة، ده لو داخل انتخابات مش هيعمل كده، ده لو داخل كأس العالم في الفلسفة والمنطق مش هيعمل كده".

وأردف: "الناس في السوشيال ميديا منقسمة ما بين اللي بيقولوا والله برافو عليه لما يكون مدرس شاطر وقدر يقنع كل هؤلاء الطلبة يحضروا المراجعة ده واحد شاطر وجامد أوي وخلى آلاف الطلبة يجوا يحضروا".