EN 
حرص مطرب المهرجانات حمو بيكا على دعم حالة إنسانية تعاني من مرض ضمور العضلات الشوكي، وتحتاج إلى حقنة تتكلف حوالي 40 مليون جنيه.
وكتب عبر «فيسبوك»: «أنا معنديش عيال، بس بحب الأطفال والحيوانات جدا، لو شفت حيوان مريض قلبي بيتقطع ما بالك بطفل، محتاجة حقنة بـ40 مليون جنيه».
وأضاف حمو بيكا: «رقم محدش فينا يقدر يعمله لو عاش عمره كله يحوش بس لو كل واحد فينا اشترك بمبلغ هنعمله، سيبكم من الفنانين والمطربين والكلام الفاضي ده يا جماعة إحنا قد كل حاجة وربنا معانا، لما نفسك ربنا يكرمك في حاجه بتحبها، أو عاوز تطلع صدقة جارية لأمك أبوك أخوك أختك صاحبك اعمل في البنت الصغيرة دى خير وأنقذها من مرض هيخليها تعيش متعذبة طول عمرها لو ما لحقتهاش».
وأشار «اعمل فيها الخير والصدقة، قرش منك على قرش مني في الكام اليوم اللي هيتبقوا، وبإذن الله هنلحقها».
وكان قد وجه مغني المهرجانات حمو بيكا رسالة إلى طلاب الثانوية العامة والجامعات في ظل الاستعداد لامتحانات نهاية العام.
وكتب حمو بيكا عبر فيسبوك:"رسالة لطلاب الثانوية العامة و الكليات ..هو انا اه مش متعلم واخدت (محو الأمية) بالعافية لكن ده مش حاجه تفرح ولا تقول (عندك بيكا اهو مش متعلم بس ناجح) ، صدقوني والله طعم النجاح مع العلم مختلف تماماً عن طعم النجاح من غير علم".
واستطرد حمو بيكا:" العلم بيفرق في كل حاجه في الدنيا ، كمية معاناه بشوفها يومياً بسبب اني مش متعلم كبيرة اوي مش بتمني حد منكم يشوفها أو يتعرض لها، العلم بيستر كتير اوي و بيخليك واعي و متفتح في كل مجالات الحياة..هو اه الشارع علمني كتير، بس مش زي المدارس والجامعات، حتي لو مش هتشتغل بشهادتك وحتي لو دخلت كلية مش بتحبها، بس يكفي انك متعلم و معاك شهادة تقدر تسد بيها عين الشمس".
وأوضح حمو بيكا:" اتعلموا و خلوا بالكم من تعليمكم وشهداتكم لأنها هتفرق كتير اوي معاكوا و مع عيالكم بعد كده ..انا اه مادخلتش مدارس و ماتعلمتش، بس حابب كل اللي حواليا ناجح و متعلم و اوعي يوم تقول اهو فلان ناجح بس مش متعلم".
وأثار مغني المهرجانات حمو بيكا، موجة كبيرة من الجدل على مواقع التواصل الاجتماعي فيسبوك وإنستجرام وذلك بعد ظهوره في أحد صالونات التجميل وأثناء قيامه بعمل باديكير لأصابعه.
ويذكر أن حمو بيكا، يواجه أزمة منعه من الغناء بقرار من هاني شاكر نقيب الموسيقيين حيث تفاقمت مشكلته بعدما أكدت النقابة أنها لن تمنحه أى تصريح بالغناء إلا بعد اجتيازه اختبارات النقابة بنجاح.
