EN 
نشرت الفنانة المعتزلة ميار الببلاوى، تعليقا عبر صفحتها على موقع التواصل الاجتماعى فيسبوك ، ترثى فيه والدتها التى توفيت مؤخرا.
وقالت ميار الببلاوى : “أول عيد أضحى من غير أمي أنا مش هدبح؛ لأنى لا بعرف أقف ولا أوزع ولا أنضف هي اللي كانت بتعمل كل حاجة.. الله يرحمك ياللي كل يوم بحس إني حرفيًا من غيرك لايصة ومكسورة".
ونشرت الفنانة المعتزلة ميار الببلاوى تعليقاً عبر صفحتها على موقع التواصل الاجتماعى فيسبوك ترد فيه على الانتقادات التى وُجهت لها فى الفترة الأخيرة بسبب نشر حياتها الشخصية على السوشيال ميديا.
وقالت ميار الببلاوى: “بجد هو أنا أوفر لما بجري عليكم لما يحصلي حاجة، لما ببقى زعلانة أو فرحانة أو تعبانة، ما أنا بحبكم قوي من غير ما أشوفكم”.
وأضافت ميار الببلاوى :"دعاؤكم بيفرق معايا ده بفضل دعاء أمي ودعائكم، ربنا نجاني وأنا بين الحياة والموت في أمريكا".
وأوضحت ميارا الببلاوى : “أنتو بتهونوا عليا وحدتي وبطبطوا على قلبي، حتى لو بينا عالم افتراضي مش هزعل قولوا لي لو أنا أوفر وأنتو بتزهقوا مني لأن المسدج دي خوفتني الصراحة صباحكم رزق وهنا وكلنا على باب الله”.
ميار الببلاوى
وكانت قد أعلنت الإعلامية والفنانة ميار الببلاوي عبر حسابها التواصل الاجتماعي فيس بوك، تعرض نجلها لأزمة صحية.
وكتبت ميار الببلاوي : «إيه ده، إيه الدنيا دي، إيه الناس دي، الواحد عايش في كوكب لوحده ملهوش حد، ولا يفرق مع حد كله بيقول يالا نفسىي، ولو ليه مصلحة عندك يعملك نفسه مروحة، ولو ملوش متلزموش، دي كلمة ست طيبة لقتني ببكي في المسجد بتاع المقابر وقالت لي دموعك غالية وفريها الجايات كتير، والله استغربت كلامها وكأنها بتأهلنى للي جاي».
وتابعت: "النهارده ابنى من الصبح بيموت بين ايدى بيرجع وبيتلوى من المغص ودكاترة داخله ومحاليل وحقن وادوية وبكره امتحانه الصبح لانه فى بكالريوس ودى اخر مادة طبعا كده خلاص مفيش امل الا بمعجزة من عند ربنا لانه رايح راس فى راس والسخونية 40".
واختتمت :" ألاقى حد حقير كلمنى وبحكيله إن ابنى تعبان وبيموت من المغص وبيصرخ يطلب الطلب الى هو عاوزه ويقفل عاوزه أقول الله ما يحوج حد لحد بس بعد الضنى مفيش أعز منه وكده حلو أوى".
