EN 
على الزوجة واجبات ولها حقوق وكذلك الزوج عليه واجبات وحقوق، لا يمكن لحياة عائلية تحت سقف واحد أن تستمر دون أن يؤدي كل منهم ما له وما عليه، ولكن هناك تيار جديد ظهر على مواقع التواصل الاجتماعي ينادي السيدات بـ ترك اهتمامها بـ بيتها وعائلتها وأن يكون اهتمامها بـ نفسه، وهذا ما انتقدته الممثلة "رولين القاسم" واختصرتها في جملة "الرجالة بتطفش".
في مقطع فيديو لـ "رولين القاسم" على تطبيق تيك توك وتداول على نطاق واسع على "فيسبوك"، ناقشت فيه ممثلة مسلسل "لما كنا صغيرين" منشور انتشر بكثرة على مجموعات التواصل الاجتماعي يتحدث عن اهتمام المرأة والزوجة بنفسها يحل محل واجباتها.
وقالت "رولين" في الفيديو الخاص بها:" الستات اللي بتعمل شير لبوست بتاع سيب المواعين في الحوض مش لازم تعمليها عادي، مش لازم تطبخي كل يوم، خلي جوزك وعيالك يأكلوا سندوتشات 3 أو 4 أيام في الاسبوع، اخرجي قصي شعرك واعملي شوبينج عشان سلامك النفسيأهم من ريحة بيتك".
رفضت "رولين" هذا المنشور جملة وتفصيلًا:" يا جماعة البوستات دي بتودي في ستين داهية، والحقيقة خليتوا الست عبارة عن كتلة من النحس والطاقة السلبية، والقرف والنكد، فالرجالة بتسيبكم".
وأكملت:" الرجالة بتطفش وتكتشفوا إنهم هيتجوزوا او متجوزين واحدة تانية، وده لإنه مش لاقي حاجة في بيته واللي المفروض يتعمل مش موجود"، وانحازت "رولين " لـ صف الرجل:" الراجل تعبان وشقيان وسايب بيته طول النهار بيوفر لقمة العيش بيكدح ويتداين ويقسط".
رسالة رولين للسيدات
ووجهت انتقادات لـ السيدات :"وانتي قاعدة على الفيسبوك تعملي شير لـ بوستات نورا الأمورة، وتوتة الكتكوتة، في واحدة تانية هتقدر الراجل وتدلعه"، واسدت للسيدات نصيحة:"طول ما انتي بتعاملي الراجل الند بالند وإن انت ولا حاجة وأنا كل حاجة، بتخلي الرجالة تقرف أكتر من القرف اللي بيشوفه من الكل ومن أسلوبك البيئة".
واختتمت في مقطع الفيديو الذي حاز على آلالاف المشاهدات وكذلك التعليقات:" اهتمي بـ نفسك وحياتك وخلي ريحتك حلوة أول ما يكون الراجل جاي، وده لا يتعارض مع دخولك المطبخ، سلامك النفسي هيجي من علاقتك الجيدة مع شريك حياتك".
