EN 
حل الفنان رامي جمال ضيفا ببرنامج حبر سري والمذاع عبر قناة القاهرة والناس، للحديث حول العديد من الموضوعات المتعلقة بحياته الفنية والشخصية، ونرصد لكم خلال السطور التالية أبرز تصريحاته:
رامي جمال: العمل الفني بيسرق العمر.. والشغل يؤثر على حياتي الشخصية
أكد الفنان رامي جمال، أن أكثر عيب في شخصيته هو حبه الزائد للشغل مما يؤثر على حياته الشخصية، قائلا: "أكثر عيب في نفسي الشغلة بتاعتنا بتسرق العمر وكل شوية أقول هخلص ألبوم ونسافر وندخل في اللي بعده ومراتي دايما تقولي مش مهم نؤجل".
وأوضح رامي جمال، خلال حواره ببرنامج "حبر سري"، مع الإعلامية أسما إبراهيم، على قناة القاهرة والناس، أن النجاح والطموح يستحمله الفرد، لأنه حلمه إنما شريك الحياة يتحمل لأنه يحب، مؤكدا أنه وقت كبير من حياته يكون مشغولا ولكن مساحة مراته في حياته 100% حتى في الأوقات التي لا يكونون فيها مع بعضهم
ووجه رامي جمال، رسالة إلى زوجته قائلا: "أي حاجة زعلتها مني أنا مرضاش واحنا أولاد أصول ومتربين وبشكرها على كل الحب والدعم اللي شوفته منك، حتة في الوقت اللي مش موجودين فيه مع بعض بنتواصل في التليفون وبأخذ رأيها في كل شيء في حياتي".
رامي جمال: عمرو دياب نمبر وان وتامر حسني فنان شاطر
أكد الفنان رامي جمال، أن الهضبة عمرو دياب هو النجم الأول بمقاييس السوق وطموحه في النجاح كبير، قائلا إن عمرو دياب نمبر وان بمقاييس السوق، وتامر حسني فنان شاطر ولكن ليس رقم واحد ولسه بدري على هذا اللقب وممكن نقول عليه نمبر بعد 40 سنة مع استمرار النجاح.
وأشار رامي جمال، خلال حواره ببرنامج "حبر سري"، مع الإعلامية أسما إبراهيم، على قناة القاهرة والناس، إلى أنه من عشاق مدرسة محمد منير، مضيفا: "محمد منير يقدم اللي عايزة وكلام أغانيه فلسفي ومزيكته مختلفه وبيعمل اللي هو عايزة".
وتابع رامي جمال: "بشكل عام الطموح العربي قليل وأغلب البشر طموحهم مرتبط بالفلوس وده الدليل أن عمرو دياب طموحه مش فلوس ولكن طموحه أنه شخصية فنية لا تكرر".
رامي جمال: أصبت بالبهاق والسكر بسبب الحزن وخسرت مبلغا ضخما
كشف النجم رامي جمال، تفاصيل سبب إصابته بمرض البهاق لأول مرة، قائلا: "المرض بالفعل جالي بسبب الحزن، والقصة بدأت أني في يوم سافرت أصور أغنية ليا مع مخرج وكانت تكلفتها ضخمة مبلغ 100 ألف دولار، وبعد انتهاء التصوير لقيت المخرج بيماطل في تسليم الكليب".
وأضاف رامي جمال، خلال حوار ببرنامج "حبر سري"، مع الإعلامية اسما إبراهيم، على قناة القاهرة والناس، أنه مع إصراره أخبره المخرج أن الهارد المسجل عليه كل تفاصيل الكليب اتكسر، متابعا: "كان ابتلاء كبيرا وحركة لو حد جديد ميقعش فيها وفكرت أنه ممكن يكون مقصودة ولكن طلع كلامه صح".
وأوضح رامي جمال، أن الواقع كنت في بداية مشواره الفني، قائلا: "راحت الفلوس وربنا كرمنا بالحل ولكن كان صعب وقتها، وبعد كده استشهد صديقي عمرو صلاح وحزنت جدا عليه لأنه صديق العمري وجالي بعدها السكر".
رامي جمال: أرفض الغناء في حفلات أو أفراح فيها شرب خمور وراقصات
أكد الفنان رامي جمال، رفضه الغناء في أماكن فيها شرب خمور أو تشاركه راقصات، قائلا: "فكرة أني أغني في أماكن فيها شرب خمور برفض وعندي تحفظات على حاجات معينة وبرفض الرقاصات برضو ومتطلعش الرقاصة معايا في فقرتي في حفلة أو فرح".
وأوضح رامي جمال، خلال حواره ببرنامج "حبر سري"، مع الإعلامية أسما إبراهيم، على قناة القاهرة والناس، أنه يفضل الاستحواذ على الاهتمامات لذلك لا يفضل وجود راقصات معه، مضيفا: "لو اتعمل لي مفاجأة بوجود راقصة في فرح همشي، والرقص فن في ناس بتحبه ولكن متطلعش معايا أنا شايف اخد الاهتمام لوحدي".
ورد رامي جمال، على موقفه من تحريم الفن، قائلا: "أنا مش شيخ وأنا شايف كل الشغلات فيها الحلال والحرام وفي شبهات ممكن الواحد يتجنبها ومش عايز أحدد الشبهات عشان لو في زملاء بيعملوها، واللي يحلل ويحرم الشيوخ وشايف ان فني اقدمه لوحدي".
رامي جمال: مستحيل ألحن أو أغني مهرجانات .. وتصنيفي صف أول
أكد الفنان رامي جمال، أنه من المستحيل تقديم ألحان لمطربي مهرجانات، قائلا: "مستحيل ألحن مهرجانات ومش ذوقي وأنا أتحاسب على اللي بعمله ومش عايز أقدم فن أعتذر عنه بعد كده في يوم من الأيام، حتى لو الدنيا جات عليا مش هغني مهرجانات".
وأضاف رامي جمال، خلال حوار ببرنامج "حبر سري"، مع الاعلامية أسما ابراهيم، على قناة القاهرة والناس، أنه من نجوم الصف الأول في التلحين ولكن ما زال أمامه الكثير من الأحلام ليحققها، متابعا: "أنا من نجوم الصف الأول ومن وجهة نظر السوق والمتعهدين صف أول ومن وجهة نظري لسه كتير على اللي حلمت به".
واستكمل: "بالنسبة للأجر باخد أجر أكثر من ناس كتير وبحب يكون ليا أجر مختلف ولسه نجاحات كتير، وعمرو دياب نموذج والنجاح سهل الوصول له إنما النجاح متغير والمهم الاستمرارية".
